SALÂMÂT – سلامات

 

Marayag a ma’ana:  Kamaradika ko saning. Lininding, Kasasarig, Kapanglong. Kaan makalinding. Kalinding ko apiya antonaa a kabinasaan.

 

“Pagari! Pakimosawir ka sa manga nganin aya, manpn na gamit angka so nafs ka golalan ko sifat a komikibir. Lowas angka so manga dinis o kakapandapat ko darpa ago manga wahm o wakto, talandiyangka; manpn na phoon sa dansalan o giya a masa na sold ka ko daa tamana iyan a kalodan o wakto nago gmaw ka sii ko balt o  Asr-i Saadah. Na aya phkabla ago khsawaan ko mata ngka mona ko langon na sakataw a manosiya a daa tabanga iyan ago ndatoan iyan, na phagrar niyan so intiro a doniya. Na Skaniyan na tiyago iyan ko waga niyan so hakikah a masla a di so doniya ago so Shariah niyan a inako niyan so tanto a kapipiya a ginawa o langowan a manosiya; na kagiya so thph-thphgan go moay o langowan o manga ‘ilm ko Ilahî ago so manga sapak o bnar a manga ‘ulum, na phakaolad go phmbgay sa manga onga sii ko langon a ‘âlam rakhs o kaphkagayad o manga kapasang o manosiya, nago ganggamn a giyoto a kaadilan a skaniyan na phtanorn iyan so manga kaookitan o manga manosiya a lagid oba so manga taw na mimbro ko isa a kaonsil nago so manga taw o mlagid sa masa. Na o ipagisa ka sangkoto a manga kokoman o Sharî’ah: anda ka miyakapoon? Ago anda ka pagantap? Na smbagn ka iran a miyakapoon siran ko Abadi Kalâm, nago pagantap kami sii ko tatap a daa kaposan iyan ka oonotan ami so manga manosiya kaan siran makaza-salamat sii ko lalan antap ko tatap a daa kaposan iyan. Nampn o so iphoon sa liyo a sompat iran sii rktano na mapotol amay ko salingganat siran sangkai a somasagad a doniya, na so ma’nawî tano na lalayon dn a gonanao o manga manosiya nago pangn’ngkn o ruh iran.”                                                                                             Maongangn a manga Karina (146)

 

Kagiya maoto, hay daa ontong ago piyaka-kapkapdi a taw a dadatoan o manga akal o shaytan! O kabaya ka so salâmat sii ko kaoyagoyag o agama, ko kaoyagoyag o thatanggisa ago opakat, nago o kabaya ka so mapiya a pamikiran, so istiqâmah sii ko ilayan ago so salâmat sii ko poso, na timbang angka so manga galbk ago pamikiran ka sii ko timbangan o muhkamât o Kur’an ago sii ko kaontol o Sunnah as-Saniyyah. Lalayon angka a gonanao rka so Kur'an ago so Sunnah as-Saniyyah. Tharoangka: اَعُوذُ بِاللّٰهِ مِنَ الشَّيْطَانِ الرَّجِيمِ  1 nago pagapas ka sii ko Janâb-i Hakk!

So 13th a Sindaw/13th toos/ikatlo pontos